நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான லால் பன்னீர் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
பன்னீர் மிகவும் பிரபலமான உணவுப் பொருள் மற்றும் பலருக்கும் இது விருப்பமான உணவுப் பொருள் என்றும் சொல்லலாம். பன்னீரைக் கொண்டு பலவிதமான ரெசிபிக்களை வீட்டில் செய்யலாம். பொதுவாக பன்னீர் சப்பாத்தி, ரொட்டி, நாண் போன்றவற்றுடன் சேர்த்து சாப்பிட அற்புதமாக இருக்கும். அதில் ஒரு ரெசிபி தான் லால் பன்னீர். லால் என்றால் சிவப்பு. லால் பன்னீர் என்பது சிவப்பு நிற பன்னீர் ரெசிபி. இது காஷ்மீரி மிளகாய் மற்றும் தக்காளி கொண்டு தயாரிக்கப்படும் ஒரு காரமான மற்றும் சற்று புளிப்பான ரெசிபி.
தேவையான பொருட்கள்:
* பன்னீர் – 200 கிராம்
* எண்ணெய் – 4 டேபிள் ஸ்பூன்
* சோள மாவு – 2 டேபிள் ஸ்பூன்
* பிரியாணி இலை – 1
* பட்டை – 1
* சீரகம் – 1 டீஸ்பூன்
* தக்காளி – 2 (பெரியது மற்றும் அரைத்துக் கொள்ளவும்)
* இஞ்சி விழுது – 1 டீஸ்பூன்
* காஷ்மீரி மிளகாய் தூள் – 1 டேபிள் ஸ்பூன்
* சீரகப் பொடி – 1 டீஸ்பூன்
* உப்பு – சுவைக்கேற்ப
* கொத்தமல்லி – சிறிது
செய்முறை:
* முதலில் பன்னீரை எடுத்து, சோள மாவில் பிரட்டி, எண்ணெயில் பொன்னிறமாக பொரித்து எடுத்து தனியாக வைத்துக் கொள்ள வேண்டும்.
* பின் காஷ்மீரி மிளகாயை தூளை நீர் சேர்த்து ஓரளவு விழுதாக பிசைந்து கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பிரியாணி இலை, பட்டை, சீரகம் ஆகியவற்றை சேர்த்து தாளிக்க வேண்டும்.
* பிறகு அதில் மிளகாய் தூள் விழுதை சேர்த்து ஒரு நிமிடம் வேக வைக்கவும்.
* பின் இஞ்சி விழுதை சேர்த்து கிளறி, அரைத்த தக்காளியை ஊற்றி பச்சை வாசனை போக வதக்க வேண்டும்.
* அடுத்து அதில் சீரகப் பொடி மற்றும் உப்பு சேர்த்து நன்கு கிளறி, சிறிது நீர் சேர்த்து நன்கு கொதிக்க வைக்க வேண்டும்.
* பின்னர் அதில் பன்னீர் துண்டுகளை சேர்த்து கிளறி, குறைவான தீயில் 5 நிமிடம் வேக வைத்து இறக்கி, கொத்தமல்லியை மேலே தூவினால், லால் பன்னீர் தயார்.
குறிப்பு:
* பன்னீரை
* கரம் மசாலா பவுடரை சேர்ப்பது, நல்ல ப்ளேவரைத் தரும்.
* வேண்டுமானால் இஞ்சி விழுதிற்கு பதிலாக இஞ்சி பூண்டு விழுதை சேர்த்துக் கொள்ளலாம்.
* விருப்பமுள்ளவர்கள் தக்காளியை சேர்ப்பதற்கு முன் பொடியாக நறுக்கிய வெங்காயத்தை சேர்த்துக் கொள்ளலாம்.
இந்த பதிவின் மூலமாக லால் பன்னீர் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி லால் பன்னீர் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
