சைவம்

Curd Chutney Recipe In Tamil | தயிர் சட்னி

நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான தயிர் சட்னி ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

இதுவரை எத்தனையோ சட்னியை நீங்கள் செய்து சுவைத்திருப்பீர்கள். ஆனால் தயிர் சட்னி பற்றி கேட்டதுண்டா? என்ன தயிரைக் கொண்டு சட்னியா என்று நீங்கள் கேட்கலாம். ஆம், தயிர் மற்றும் சில மசாலா பொருட்களை சேர்த்து சட்னி செய்யலாம். இந்த சட்னி செய்வது மிகவும் சுலபம். மேலும் இந்த சட்னி இட்லி, தோசை, சப்பாத்தி போன்றவற்றுடன் சேர்த்து சாப்பிட அற்புதமாக இருக்கும்.

தேவையான பொருட்கள்:

* கெட்டி தயிர் – 1 கப்

* மிளகாய் தூள் – 1 டேபிள் ஸ்பூன்

* மல்லித் தூள் – 2 டேபிள் ஸ்பூன்

* கரம் மசாலா – 1 டீஸ்பூன்

* வெங்காயம் – 1 (பொடியாக நறுக்கியது)

* இஞ்சி பூண்டு பேஸ்ட் – 1 டேபிள் ஸ்பூன்

* உப்பு – சுவைக்கேற்ப

* தண்ணீர் – 1/2 கப்

தாளிப்பதற்கு…

* எண்ணெய் – 2 டேபிள் ஸ்பூன்

* கடுகு – 1/2 டீஸ்பூன்

* சீரகம் – 1/4 டீஸ்பூன்

செய்முறை:

* முதலில் தயிருடன் மிளகாய் தூள், மல்லித் தூள், கரம் மசாலா மற்றும் தேவையான அளவு உப்பு சேர்த்து நன்கு கலந்து கொள்ள வேண்டும்.

* பின்னர் ஒரு கடாயை அடுப்பில் வைத்து, அதில் எண்ணெய் ஊற்றி சூடானதும், கடுகு, சீரகம் சேர்த்து தாளிக்க வேண்டும்.

* பின்பு அதில் வெங்காயத்தைப் போட்டு நன்கு வதக்கி, இஞ்சி பூண்டு விழுதை சேர்த்து பச்சை வாசனை போக வதக்க வேண்டும்.

* பிறகு அதில் தயிர் கலவையை சேர்த்து கிளறி, குறைவான தீயில் மூடி வைத்து சில நிமிடங்கள் கொதிக்க வைக்க வேண்டும்.

* சட்னியில் இருந்து மசாலாவின் பச்சை வாசனை நீங்கி, எண்ணெய் தனியே பிரிய ஆரம்பிக்கும் போது அடுப்பை அணைத்து இறக்கினால், தயிர் சட்னி தயார்.

Image Courtesy: sharmispassions

இந்த பதிவின் மூலமாக தயிர் சட்னி எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி தயிர் சட்னி ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .

About the author

admin

Leave a Comment