நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான முட்டை சால்னா (Egg Salna) ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
சாலை ஓரங்களில் தள்ளுவண்டியில் விற்கப்படும் பரோட்டாவிற்கு கொடுக்கப்படும் சால்னா மிகவும் அட்டகாசமான சுவையில் இருக்கும். பரோட்டாவிற்கு கொடுக்கப்படும் சால்னா நீர் போன்று இருக்கும். இந்த சால்னாவை முட்டை, சிக்கன், காய்கறிகள் அல்லது ப்ளைனாக கூட செய்யலாம். உங்கள் வீட்டில் பரோட்டா செய்தால், அதற்கு கடைகளில் செய்யப்படும் சால்னா போன்று செய்ய விரும்புகிறீர்களா? அப்படியானால் முட்டைக் கொண்டு முட்டை சால்னா செய்யுங்கள். இந்த முட்டை சால்னா பரோட்டாவிற்கு மட்டுமின்றி, இடியாப்பத்திற்கும் அட்டகாசமாக இருக்கும்.
தேவையான பொருட்கள்:
* முட்டை – 6 (வேக வைத்தது)
* வெங்காயம் – 1 (பொடியாக நறுக்கியது)
* இஞ்சி பூண்டு விழுது – 2 டீஸ்பூன்
* பச்சை மிளகாய் – 2
* துருவிய தேங்காய் – 1/4 கப்
* சோம்பு – 1 டீஸ்பூன்
* கசகசா – 1/2 டீஸ்பூன்
* கொத்தமல்லி – சிறிது
* உப்பு – சுவைக்கேற்ப
* எண்ணெய் – 2 1/2 டேபிள் ஸ்பூன்
வதக்கி அரைப்பதற்கு…
* வெங்காயம் – 2 (நறுக்கியது)
* தக்காளி – 2 (நறுக்கியது)
* புதினா – 1 கையளவு
* கொத்தமல்லி – 1 கையளவு
* பச்சை மிளகாய் – 5
* மிளகாய் தூள் – 1 டீஸ்பூன்
* மல்லித் தூள் – 2 டீஸ்பூன்
* கரம் மசாலா – 1/4 டீஸ்பூன்
* மஞ்சள் தூள் – ஒரு சிட்டிகை
தாளிப்பதற்கு…
* கிராம்பு – 5
* பட்டை – 1 இன்ச்
* அன்னாசிப்பூ – 2
* பிரியாணி இலை – 1
* சோம்பு – 1/4 டீஸ்பூன்
Egg Salna செய்முறை:
* முதலில் ஒரு வாணலியை அடுப்பில் வைத்து, அதில் 1/2 டேபிள் ஸ்பூன் எண்ணெய் ஊற்றி சூடானதும், வெங்காயம், பச்சை மிளகாய் சேர்த்து நன்கு வதக்கி, பின் புதினா, கொத்தமல்லி, தக்காளி சேர்த்து மென்மையாகும் வரை வதக்க வேண்டும்.
* பின்பு அதில் அனைத்து மசாலா பொடிகளையும் சேர்த்து ஒரு நிமிடம் வதக்கி இறக்கி குளிர வைத்து, பின் மிக்சர் ஜாரில் போட்டு நன்கு அரைத்து தனியாக வைத்துக் கொள்ள வேண்டும்.
* அடுத்து மிக்சர் ஜாரில் தேங்காய், சோம்பு மற்றும் கசகசாவை சேர்த்து, சிறிது நீர் ஊற்றி நன்கு மென்மையாக அரைத்துக் கொள்ள வேண்டும்.
* பிறகு ஒரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி சூடானதும், தாளிப்பதற்கு கொடுத்துள்ள பொருட்களை சேர்த்து தாளிக்க வேண்டும்.
* பின் அதில் வெங்காயம் மற்றும் பச்சை மிளகாய் சேர்த்து வதக்கி, அதைத் தொடர்ந்து இஞ்சி பூண்டு விழுதை சேர்த்து நன்கு பச்சை வாசனை போக வதக்க வேண்டும்.
* அடுத்து அதில் அரைத்து வைத்துள்ள மசாலாவை சேர்த்து ஒரு நிமிடம் கிளறி, பின் 2 கப் நீரை ஊற்றி, மிதமான தீயில் 6-7 நிமிடம் கொதிக்க வைக்க வேண்டும்.
* பின்னர் அரைத்து வைத்துள்ள தேங்காய் விழுதை சேர்த்து, ஒரு கப் நீரை ஊற்றி, சுவைக்கேற்ப உப்பு சேர்த்து மீண்டும் 4-5 நிமிடம் பச்சை வாசனை போக கொதிக்க வைக்க வேண்டும்.
* இறுதியாக வேக வைத்துள்ள முட்டைகளை போட்டு ஒரு நிமிடம் கொதிக்க வைத்து, கொத்தமல்லியை மேலே தூவி இறக்கினால், முட்டை சால்னா தயார்.
இந்த பதிவின் மூலமாக முட்டை சால்னா எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி முட்டை சால்னா ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
