நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான ராகி போண்டா ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
மழை பெய்யும் போது மாலை வேளையில் காபி, டீயுடன் சூடாகவும், நன்கு மொறுமொறுப்பாகவும் பஜ்ஜி, போண்டா செய்து சாப்பிட்டால் அற்புதமாக இருக்கும். போண்டாவில் பல வெரைட்டிகள் உள்ளன. நீங்கள் வித்தியாசமான போண்டா ரெசிபிக்களை முயற்சிக்க நினைப்பவராயின், இக்கட்டுரை உங்களுக்கானது. ஏனெனில் இங்கு ராகி போண்டா குறித்து கொடுக்கப்பட்டுள்ளது. ராகி உடலுக்கு ஆரோக்கியமானது. ராகியை இதுவரை கூழ், கஞ்சி என்று தான் செய்து சுவைத்திருப்பீர்கள். ஆனால் ராகியைக் கொண்டு அற்புதமான சுவையில் போண்டா செய்யலாம். இது அனைவருமே விரும்பி சாப்பிடும் வகையில் இருக்கும்.
தேவையான பொருட்கள்:
* இட்லி மாவு – 2 கப்
* கேரட் – 1 (பொடியாக நறுக்கியது)
* வெங்காயம் – 1 (பொடியாக நறுக்கியது)
* பச்சை மிளகாய் – 1 (பொடியாக நறுக்கியது)
* ராகி மாவு – 1/2 கப் முதல் 3/4 கப் வரை
* இஞ்சி – 1 டீஸ்பூன் (பொடியாக நறுக்கியது)
* கறிவேப்பிலை – சிறிது
* உப்பு – சுவைக்கேற்ப
* மிளகு – சுவைக்கேற்ப
* எண்ணெய் – பொரிப்பதற்கு தேவையான அளவு
செய்முறை:
* முதலில் ஒரு அகலமான பாத்திரத்தில் இட்லி மாவு, நறுக்கிய கேரட், நறுக்கிய வெங்காயம், நறுக்கிய பச்சை மிளகாய், ராகி மாவு, இஞ்சி, கறிவேப்பிலை, சுவைக்கேற்ப உப்பு மற்றும் மிளகு சேர்த்து நன்கு பிசைந்து கொள்ள வேண்டும்.
* பின்னர் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.
* பின் அதில் பிசைந்து வைத்துள்ள மாவை சிறு சிறு உருண்டைகளாக போட்டு பொன்னிறமாக பொரித்து எடுக்க வேண்டும்.
* இப்படி அனைத்து மாவையும் பொரித்து எடுத்தால், சுவையான ராகி போண்டா தயார்.
இந்த பதிவின் மூலமாக ராகி போண்டா எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி ராகி போண்டா ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .