நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான பன்னீர் பாப்கார்ன் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
மாலை வேளையில் உங்கள் குழந்தைகள் சாப்பிட ஸ்நாக்ஸ் கேட்கிறார்களா? என்ன செய்து கொடுப்பது என்று யோசித்துக் கொண்டிருக்கிறீர்களா? அப்படியானால் உங்கள் வீட்டில் பன்னீர் இருந்தால், அதைக் கொண்டு சுவையான பன்னீர் பாப்கார்ன் செய்து கொடுங்கள். பன்னீர் பாப்கார்ன் மொறுமொறுப்பாகவும் ருசியாகவும் இருப்பதோடு, குழந்தைகளும் விரும்பி சாப்பிடும் வகையில் இருக்கும். அதோடு வீட்டில் திடீரென்று விருந்தினர் வந்திருந்தால், அவர்களுக்கு செய்து கொடுக்கவும் ஏற்றது.
தேவையான பொருட்கள்:
* பன்னீர் – 200 கிராம்
* உலர்ந்த கற்பூரவள்ளி இலை – 1 டீஸ்பூன்
* சில்லி ப்ளேக்ஸ் – 1 டீஸ்பூன்
* உப்பு – சுவைக்கேற்ப
* மைதா – 1/4 கப்
* பிரட் தூள் – தேவையான அளவு
* எண்ணெய் – பொரிப்பதற்கு தேவையான அளவு
செய்முறை:
* முதலில் பன்னீரை சதுரத் துண்டுகளாக வெட்டிக் கொள்ள வேண்டும்.
* பின்னர் ஒரு பௌலில் பன்னீர் துண்டுகள், உப்பு, சில்லி ப்ளேக்ஸ், உலர்ந்த கற்பூரவள்ளி இலைகளைப் போட்டு நன்கு பிரட்டிக் கொள்ள வேண்டும்.
* பின்பு ஒரு பௌலில் மைதா, உப்பு மற்றும் நீர் சேர்த்து ஓரளவு நீர் போன்று கலந்து கொள்ள வேண்டும்.
* பிறகு அந்த மைதாவில் பன்னீரை பிரட்டி, பின் அதை பிரட் தூளில் பிரட்டி ஒரு தட்டில் வைத்துக் கொள்ள வேண்டும்.
* இறுதியாக ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடானதும், பிரட் தூளில் பிரட்டிய பன்னீர் துண்டுகளைப் போட்டு பொன்னிறமாக பொரித்து எடுத்தால், மொறுமொறுப்பான பன்னீர் பாப்கார்ன் தயார்.
இந்த பதிவின் மூலமாக பன்னீர் பாப்கார்ன் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி பன்னீர் பாப்கார்ன் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
